མི་ཚེ་ནི་འཚོ་གནས་ཀྱི་ཆེད་དུ་རེད།

སུ་ལྦན་མེ་བྷུ་རམ་སྒྲེ་ཡིས་བརྩམས། ཁྲི་ཆུ་བཟང་རྒྱ་མཚོས་བསྒྱུར།

༡༽ ང་ཚོ་ནི་འགྲོ་བ་མི་རེད། ང་ཚོས་རང་ཉིད་ལ་འགྲོ་བ་མི་རུ་འབོད་དོན་ཅི་ཞིག་ཡིན་ནམ། ང་ཚོས་རང་ཉིད་ལ་འགྲོ་བ་མི་རུ་འབོད་པའི་རྒྱུ་མཚན་ནི་ང་ཚོ་ལ་དུད་འགྲོ་རྣམས་ལས་ཕྱིའི་ཆགས་དབྱིབས་མི་འདྲ་བ་ཞིག་དང་ནང་བསམ་བློའི་རང་བཞིན་མི་འདྲ་བ་ཞིག་ལྡན་པ་རེད། འོན་ཀྱང༌། ཕྱིའི་ཆགས་དབྱིབས་འདིའི་ཆ་ནས་ང་ཚོ་ནི་གཅིག་མཚུངས་ཀྱི་དངོས་པོ་ཞིག་སྟེ། འགྲོ་བ་མིའི་ཅི་ཞིག་ལོངས་སུ་སྤྱོད་བཞིན་པ་དེ་དུད་འགྲོས་ཀྱང་ལོངས་སུ་སྤྱོད་བཞིན་ཡོད་དོ།།

Life is for Living

By: Swami Brahmdev

1) We are humans and why do we call ourselves human? We call ourselves humans because we have a different structure than animals, a different form but we are the same thing inside this form. The animal is carrying inside what the human is also carrying inside.

༢༽ འགྲོ་བ་མིའི་ཕྱིའི་ཆགས་དབྱིབས་དེ་རང་བྱུང་ཁམས་ཀྱིས་གྲུབ་པ་དང༌། འགྲོ་བ་མིའི་ཕྱིའི་ཆགས་དབྱིབས་འདི་ནས་ང་ཚོ་འགྲོ་བ་མི་རུ་འགྱུར་དགོས་བྱུང་བ་རེད། རང་བྱུང་ཁམས་ཀྱིས་ང་ཚོ་འགྲོ་བ་མིའི་ཕྱིའི་ཆགས་དབྱིབས་ལ་སེམས་ཟེར་བའི་ལག་ཆ་ཞིག་གནང་བ་དང༌། སེམས་འདི་ནས་ང་ཚོས་རང་ཉིད་རང་གིས་མཐོང་བར་འགོ་ཚུགས་པ་རེད། ང་ཚོས་རང་ཉིད་ཀྱི་ནང་སེམས་ཁམས་སུ་འཚོལ་ཞིབ་བྱེད་སྐབས། ང་ཚོས་རང་ཉིད་ཀྱི་རང་བཞིན་དང༌། འཇོན་ཐང༌། བློ་སྟོབས་རྣམས་རང་ཉིད་ལ་ངོ་སྤྲོད་ཐུབ་ངེས། ང་ཚོས་ངེས་པར་དུ་རང་ཉིད་ཀྱི་བསམ་གཞིག་གི་སྒོ་ནས་ང་ཚོའི་འཚོ་བ་རོལ་དགོས། གལ་ཏེ། ང་ཚོས་རང་ཉིད་རང་གིས་ངོ་ཤེས་ཚེ། ང་ཚོ་འགྲོ་བ་མིའི་ཕྱིའི་ཆགས་དབྱིབས་དེ་རིམ་གྱིས་འགྱུར་བ་དང་འཕེལ་རྒྱས་སུ་འགྲོ་བའོ། །དེ་དང་བསྟུན་ནས་ང་ཚོའི་སེམས་པའི་འདུ་ཤེས་དང་སྙིང་སྟོབས་དེ་ཡང་འཕེལ་རྒྱས་སུ་འགྲོ་ངེས།

2) Nature created a human form and from this human form we have to become human beings. Nature gave a tool to our human form: the mind. And from this mind our discovery begins. When we go inside ourselves, we can discover our potentials, our capacities and our nature. We must organise our lives with our minds. If we know ourselves, slowly our human form will progress, will grow. The capacities and the quality of our consciousness will grow.

༣༽ གདོད་མའི་དུས་སུ་འགྲོ་བ་མིའི་རིགས་ཤིང་ནགས་ཁྲོད་གནས་ཞིང་དུད་འགྲོ་ལྟར་ཤིང་འབྲས་དང་རྩི་ཤིང་རིགས་ལོངས་སུ་སྤྱད། ཁོ་ཚོའི་ཕྱིའི་ཆགས་དབྱིབས་ནི་འགྲོ་བ་མིའི་རིགས་ཡིན་ཀྱང༌། རང་ཉིད་འཚོ་བའི་ཁོར་ཡུག་ཁྲོད་དུ་ཤེས་བྱའི་གོ་རྟོགས་མེད་པར་འཚོ་ཞིང་གནས་པ་རེད། འཕེལ་འགྱུར་གྱི་བརྒྱུད་རིམ་ལ་བརྟེན་ནས་རིམ་གྱིས་ཤེས་བྱའི་གོ་རྟོགས་སད་ནས། ཤིང་ནགས་ཁྲོད་གནས་པའི་མིའི་རིགས་དེ་ཤེས་བྱའི་གོ་རྟོགས་དང་ལྷན་དུ་འགྱུར་བར་མགོ་བརྩམས་ཏེ། ད་ལྟའི་ང་ཚོའི་གནས་བབས་འདིར་སླེབས་པ་རེད། འཕེལ་འགྱུར་ནི་རྩོད་མེད་དང་རང་བྱུང་ཁམས་ཀྱི་བྱ་བའི་བརྒྱུད་རིམ་ཞིག་ཡིན་སྟབས། ང་ཚོར་བྱ་དངོས་མང་པོ་ཞིག་ད་དུང་འཐུས་སྒོ་ཚང་མེད་པས་འཕེལ་འགྱུར་ནི་རྒྱུན་བསྲིང་བཞིན་ཡོད་དོ། །

3) Earlier, humans lived in the jungle, eating fruits and roots, like animals. Their form was human, but with no awareness of life. Slowly, the sense of awareness awakened through the process of evolution. The man who was living in the jungle started changing and, with awareness, he reached the level where we are now. Evolution is a natural, spontaneous process. It is continuing because we are still lacking many things.

༤༽ ང་ཚོས་རང་ཉིད་ཀྱི་འཚོ་བ་སོར་གནས་བྱེད་པར་སྒྲིག་འཛུགས་ཤིག་བསྐྲུན་ཐུབ་པའི་གནས་བབས་ཤིག་ལ་ང་ཚོ་སླེབས་ཡོད། འོན་ཀྱང༌། མི་ཚེ་ནི་སོར་གནས་བྱེད་པའི་ཆེད་དུ་མ་རེད། ང་ཚོས་སློབ་གྲྭ་ནང་དུ་ཅི་ཞིག་སྦྱོང་བཞིན་ཡོད་དམ། ང་ཚོས་རང་ཉིད་ཇི་ལྟར་ཡིན་པ་གཅེས་འཛིན་དང༌། ད་དུང༌། ལྟ་གྲུབ།  ཆོས་ལུགས།    རིག་གཞུང་དང་སྒྲིག་འཛུགས་རྣམས་ཉར་ཚགས་བྱེད་ཚུལ་སྦྱོང་བཞིན་ཡོད། ང་ཚོའི་བསམ་བློའི་གནས་ཚད་རྒྱ་ཆེ་ཤོས་དེ་ཙམ་རེད།

4) We have reached a level where we are able to create a system to maintain our life; but life is not for that. What are we learning in our schools? We are learning to maintain ourselves as we are, to maintain the systems, the cultures, the religions, the philosophies. Our maximum level of thinking is that.

༥༽ གལ་སྲིད། ང་ཚོས་སྟབས་བདེ་ངང་ནས་དེ་རྣམས་ཉར་ཚགས་བྱེད་བཞིན་པ་ཡིན་ན། ང་ཚོ་འཚོ་སྡོད་བྱེད་བཞིན་མེད་པ་དང་འདྲའོ། །མི་ཚེ་ནི་འཚོ་བའི་ཆེད་དུ་རེད་མ་གཏོགས། མི་ཚེ་ནི་སོར་གནས་བྱེད་པའི་ཆེད་དུ་མིན་ནོ། །རང་ཉིད་ཀྱི་འཚོ་བའི་ཁྲོད་དུ་ཤེས་ཡོན་མི་འདྲ་བ་ཞིག་མཁོ་མོད། འོན་ཀྱང༌། དེ་འདྲའི་ཤེས་ཡོན་ཞིག་སློབ་གྲྭ་གང་གི་ནང་དུའང་མེད་དོ།། འདིར་རང་སེམས་རྣལ་དུ་ཕབ་ནས་ལས་ཀ་རུ་འཇུག་ཚུལ་དང༌།ང་ཚོའི་ཚོར་སྣང་ཕྱི་ལ་སྟོན་ཚུལ་གྱི་སློབ་ཁྲིད་བྱེད་སའི་སློབ་གྲྭ་དེ་འདྲ་མེད་དོ།།ཤེས་ཡོན་དེ་དག་གིས་སྒྲུབ་བཞིན་པ་ནི་ཅི་ཞིག་འཚོ་ཞིང་གནས་པ་རྣམས་ཉར་ཚགས་བྱ་རྒྱུ་ཁོ་ན་དེའོ།།

5) If we are simply maintaining all this, we are not living. Life is to live, not just to maintain. A different education is needed, but this education is not available in any school. There is no school which teaches how to smile, how to organize our emotions, how to work with our minds. All that education is doing is to maintain what exists.

༦༽ རྒྱུད་རིམ་ཡོད་ཚད་ནི་རང་ཉིད་སད་རྟོགས་དང་རང་ངོ་འཕྲོད་པ་ལ་རག་ལས་མོད། འོན་ཀྱང༌། ང་ཚོས་རང་ངོ་རང་གིས་ཤེས་པར་འབད་རྩོལ་གང་ཡང་བྱེད་བཞིན་མེད་པར། ཕྱི་རོལ་གྱི་བྱ་དངོས་ སྐོར་ལ་བདག་གཅེས་བྱེད་པར་ང་ཚོས་སེམས་འཁྲལ་བྱེད་བཞིན་ཡོད།

6) The whole process is based on self-awakening, self-knowledge, but we are not making any effort to know ourselves. We are just worried about the maintenance of external things.

༧༽ གང་ལྟར། རང་བྱུང་ཁམས་ཀྱིས་ང་ཚོའི་འཕེལ་འགྱུར་གྱི་བརྒྱུད་རིམ་རྒྱུན་འཁྱོངས་པར་བྱེད། དེང་གི་དུས་རབས་འདིའི་ཁྲོད་དུ། མི་མང་རྣམས་གཉིད་ལས་སད་བཞིན་ཡོད་དེ། ཁོ་ཚོ་འཚོ་བའི་བདག་གཅེས་དེའི་ཆེད་དུ་གནས་མི་འདོད་པར། འཚོ་བའི་ལམ་ཁ་མང་པོའི་སྒོ་མོ་འབྱེད་བཞིན་ཡོད་དོ། །ང་ཚོས་འཚོ་བའི་ཟུར་གཞན་རྣམས་འཚོལ་ཞིབ་བྱེད་བཞིན་ཡོད། དེ་ནི་མིའི་རིགས་ཀྱི་ནང་བསམ་བློའི་ལམ་བུ་དང༌།ནང་བསམ་པའི་དཔལ་ཡོན།ནང་བསམ་བློའི་བརྒྱུད་རིམ་གྱི་འཚོ་གནས་ཤིག་ཀྱང་ཡིན་པར་སྙམ།

7) Nature however continues our process of evolution. Now, in this present period, people are awakening; they don't want to live for the maintenance of life. Other doors are opening, we are exploring other sides of life. That is our spiritual path, this is our spirituality, the spiritual process of life.

༨༽ ཤེས་བྱའི་གོ་རྟོགས་འདི་དང་ལྷན་དུ་འཚོ་བ་ནི་འཚོ་བའི་བརྒྱུད་རིམ་ཞིག་གི་ནང་དུ་ཞུགས་ངེས། འཚོ་བའི་རྒྱུད་རིམ་འདི་ཡང་བསྐྱར་འགོ་རྩོམ་པར་བྱེད་དེ། བརྩེ་བ་ནི་ཁྱེད་དང་ལྷན་དུ་གནས་ཤིང༌། ཞི་བདེ་དང་མཐུན་སྒྲིལ། མདོར་ན་ཡོད་ཚད་མཆོག་དུ་གྱུར་བ་གང་ཡིན་པ་ནི་ཁྱེད་དང་ལྷན་དུ་ཡོད།

8) With this awareness, life will enter into a living process. And once the living process starts, love will be with you, peace and harmony, everything that is good will be with you.

༩༽ སོར་གནས་བྱེད་པའི་རྒྱུན་རིམ་འདིའི་ཁྲོད་དུ། འདིར་ཐབས་རྩོད་ཁོ་ན་མ་གཏོགས་ཞི་བདེ་མེད་ལ་བརྩེ་བ་མེད། མཐུན་སྒྲིལ་མེད། བདེ་སྐྱིད་མེད། ཡང་ན་དད་མོས་ཀྱང་མེད། སོར་གནས་ཀྱི་རྒྱུད་རིམ་ཁྲོད་དུ། ང་ཚོས་རྒྱུན་དུ་ཕམ་ཁའི་སྐོར་ལ་སེམས་འཁྲལ་བྱས་པ་རེད།

9) In the process of maintenance there is no love, peace, harmony, joy or bliss; only struggle. In the maintenance process we always worry about losing.

༡༠༽ ང་ཚོ་རྨོངས་གཉིད་ལས་སད་སྐབས། ང་ཚོ་ཤེས་རིག་དང་ལྡན་པར་འཚོ་བར་འགོ་བརྩམས་པ་རེད། དཀའ་ངལ་རེ་རེ་སེལ་བར་ཐབས་ལམ་རེ་མཆིས། གལ་ཏེ། དཀའ་ངལ་དེ་ཡང་ནང་སེམས་སུ་ཡོད་ན། ཐབས་ལམ་དེ་ཡང་ནང་སེམས་སུ་ཡོད་ངེས། འོན་ཀྱང༌། ང་ཚོར་དེ་དག་་རྙེད་རྟོགས་་བྱེད་པའི་བཟོད་བསྲན་མཁོ་བའོ།།

10) When we awaken, we begin to live with wisdom. Every problem carries the solution to solve it. If the problem is inside, the solution is also inside, but we need patience to discover that.

༡༡༽ ན་ཚོད་ཀྱིས་དེ་དག་སྒྲུབ་པར་ཕན་ནུས་གང་ཡང་མི་ཐོན། རང་གིས་རང་ལ་སྐད་ཆ་རེ་དྲིས་དང༌། ཁྱེད་ཀྱིས་མི་ཚེ་སྐྱིད་པོ་ཞིག་རོལ་འདོད་དམ་མི་འདོད། ཁྱེད་ཀྱིས་རང་ཉིད་ཀྱི་སྐོར་ལ་ཤེས་རྟོགས་མང་པོ་འདོད་དམ་མི་འདོད། ཁྱེད་ཀྱིས་རང་ཉིད་རང་གིས་ངོ་ཤེས་ནས་འཚོ་བ་འདི་རོལ་འདོད་དམ། ཡང་ན་རང་ཉིད་རང་གིས་ངོ་མ་ཤེས་པར་འཚོ་བ་འདི་རོལ་འདོད། འདི་ནི་ང་ཚོས་ངེས་པར་དུ་རྟོགས་དགོས་པའི་གནད་འགག་དེ་རེད། རང་ཉིད་ཀྱིས་རྨོངས་མུན་ཁྲོད་ནས་འཚོ་བ་ཞིག་མི་རོལ་པར་ཤེས་བྱའི་གོ་རྟོགས་ལྡན་པའི་སྒོ་ནས་འཚོ་བ་ཞིག་ལོངས་སུ་སྤྱོད་རོགས། དེ་ལྟར་ཁྱེད་ཀྱིས་འཚོ་བར་གསོན་ཤུགས་རྒྱས་ཐུབ་ན། ཁྱེད་རང་འཕེལ་རྒྱས་སུ་འགྲོ་ཐུབ་པ་དང༌། འཚོ་བའི་དགོས་དམིགས་དེ་ཡང་ལག་བསྟར་བྱེད་ཐུབ་ངེས།

11) Age has nothing to do with it. Ask yourself if you want to live a better life or not, if you want to know more about yourself, or not; if you want to live this life knowing yourself or without knowing yourself. This is what we must learn. Don't live a life with ignorance; live with awareness, with knowledge. Then you can grow, then you can progress and fulfil the purpose of life.

གཤམ་གྱི་དྲ་བྱང་འདི་བརྒྱུད་ནས་མ་ཡིག་ལ་གཟིགས་རོགས། http://articles.timesofindia.indiatimes.com/2011-03-14/new-age-insight/28266291_1_process-animals-form