གསར་གཏོད་ཀྱི་གསང་བའི་མན་ངག

རྩོམ་པ་པོ།  ཨོ་ཤོ   ཁྲི་ཆུ་བཟང་རྒྱ་མཚོས་བསྒྱུར།

ཁྱེད་རང་ཡང་བསྐྱར་བྱིས་པ་ཞིག་ཏུ་འགྱུར་བ་ཡིན་ན་ད་གཟོད་ཁྱེད་རང་གསར་གཏོད་པ་ཞིག་ཏུ་ཆགས་ངེས། རྒྱུ་མཚན་གང་ཡིན་ཞེ་ན། བྱིས་པ་རྣམས་གསར་གཏོད་པ་རེད། དེ་བས་བྱིས་པའི་གསར་གཏོད་ལ་རང་དབང་མཁོ་སྟེ།

རང་དབང་དེ་ནི་ཕྱོགས་ལྷུང་དང་ཤེས་བྱ། རྙིང་ཞེན་གྱི་བསམ་བློ་རྣམས་ལས་ཐར་བར་བྱེད་པའི་རང་དབང་དེ་རེད། སྤྱིར་གསར་གཏོད་པ་ནི་གསར་བ་ཞིག་ལ་འབད་རྩོལ་བྱེད་ཐུབ་མཁན་ཞིག་ཡིན་དགོས་པས། གསར་གཏོད་མཁན་ནི་མིའི་གཟུགས་འཕྲུལ་ཆས་ཤིག་མིན་ལ། མིའི་གཟུགས་འཕྲུལ་ཆས་ཀྱིས་ནམ་ཡང་གསར་གཏོད་བྱེད་མི་ནུས་ཤིང༌། དེ་ཡིས་བསྐྱར་ཟློས་བྱེད་པ་རེད། དེར་བརྟེན། ཁྱེད་ཀྱི་གསར་གཏོད་ཀྱི་རྣམ་ཤེས་དེ་སླར་སོས་པ་ལ། ཁྱེད་རང་ཡང་བསྐྱར་བྱིས་པ་ཞིག་ཏུ་འགྱུར་དགོས།

THE SECRET MANTRA OF BEING CREATIVE

By Osho

Become a child again and you will be creative. All children are creative. Creativity needs freedom — freedom from the mind, freedom from knowledge, freedom from prejudices. A creative person is one who can try the new. A creative person is not a robopath. Robopaths are never creative, they are repetitive. So become a child again to regain your creative spirit.

གསར་གཏོད་ནི་བྱིས་པ་རྣམས་ཀྱི་ཡོན་ཏན་གྱི་རྨང་གཞི་ཞིག་རེད། འོན་ཀྱང༌། ང་ཚོས་བྱིས་པ་རྣམས་ཀྱི་གསར་གཏོད་ཀྱི་མྱུ་གུ་སྐྱེ་རུ་མ་བཅུགས་པ་དང་ཡང་ན་གསོན་དུ་མ་བཞག་ཅིང༌། ང་ཚོས་བྱིས་པའི་གསར་གཏོད་དེ་ཚར་གཅོད་བྱེད་པ་དང་རྩ་མེད་གཏོང་བ་རེད། རྒྱུ་མཚན་གང་ཡིན་ཞེ་ན། ང་ཚོས་བྱིས་པ་རྣམས་ལ་དགེ་བའི་བྱ་བ་ཞིག་སྒྲུབ་པར་ལམ་སྟོན་གནང་བར་མགོ་བཙུགས་པ་རེད། དྲན་གསོ་དགོས་པ་ཞིག་ནི། གསར་གཏོད་ཀྱི་སྐྱེས་བུ་སྒེར་ཞིག་གིས་མི་དགེ་བའི་ལམ་ཁར་བསྐྱོད་པར་འབད་རྩོལ་བྱེད་ལ། གལ་ཏེ། ཁྱེད་རང་དགེ་བའི་བྱ་བ་སྒྲུབ་པའི་ལམ་ཁ་དེར་ཆས་པ་ཡིན་ན། ཁྱེད་ཀྱིས་གསར་གཏོད་ཀྱི་བྱ་བ་ཞིག་ནམ་ཡང་སྒྲུབ་མི་སྲིད། རྒྱུ་མཚན་གང་ཡིན་ཞེ་ན། དགེ་བའི་ལམ་ཁ་དེ་མི་གཞན་གྱིས་བཙལ་ནས་རྙེད་ཟིན་པ་དང༌། དགེ་བའི་ལམ་ཁ་ཞེས་པའི་དོན་ནི་ཁྱེད་ཀྱིས་བྱ་དངོས་གང་ཞིག་སྒྲུབ་ཐུབ་པའི་བཟོ་སྐྲུན་པ་ཞིག་ཏུ་ཆགས་རྒྱུ་དེ་རེད། འོན་ཀྱང༌། དེ་འདྲའི་ལམ་བུ་བརྒྱུད་ནས་ཁྱེད་རང་ནམ་ཡང་གསར་གཏོད་པ་ཞིག་ཏུ་འགྱུར་མི་སྲིད།

Creativity is a basic virtue of children. But we don’t allow their creativity to bloom or survive; we crush and kill their creativity. We start teaching them the right way to do things. Remember, a creative person always keeps trying the wrong ways. If you follow the right way to do a thing you will never be creative — because the right way means the way discovered by others. And the right way means that you will be able to make something — you will become a producer, a manufacturer, — but you will not be a creator.

གསར་གཏོད་པ་དང་བཟོ་སྐྲུན་པ་གཉིས་ཀྱི་ཁྱད་པར་དེ་ཅི་ཞིག་རེད་དམ་ཞེས་ན། བཟོ་སྐྲུན་པས་བྱ་དངོས་གང་ཞིག་སྒྲུབ་པར་ཡང་དག་པའི་ལམ་ཁ་དེ་ཤེས་རྟོགས་བྱུང་ཡོད་ལ། གསར་གཏོད་པ་ལ་མཚོན་ན་མགོ་བོ་རྨོངས་ནས་བསྡད་ཡོད། ཁོས་བྱ་བ་གང་ཞིག་སྒྲུབ་པར་ཡང་དག་པའི་ལམ་ཁ་དེ་མ་རྟོགས་པར་བརྟེན། ཁོ་རང་ལམ་ཁ་འདྲ་མིན་ཁྲོད་དུ་གཏོལ་ཏེ་འཛུལ་བ་དང་སྔོག་བཤེར་བྱེད་ངེས། དེ་བཞིན་ཁོ་རང་ལམ་ཁ་ནོར་བ་ནང་དུ་ཡང་ཡང་འགྲོ་བ་རེད། ཡིན་ན་ཡང༌། ཁོ་རང་གང་དུ་ཕྱིན་ན་ཡང་དེ་རུ་དོན་དུ་གཉེར་ངེས། ཁོས་མི་བུ་སུས་ཀྱང་སྔོན་ཆད་སྒྲུབ་མྱོང་མེད་པའི་བྱ་དངོས་ཤིག་སྒྲུབ་པས། ང་ཚོས་མཐོང་སྣང་ལ་གསར་གཏོད་པ་ནི་གླེན་པ་ལྟ་བུ་སྣང་བ་རེད། གསར་གཏོད་པ་ཞིག་གིས་རང་ཉིད་ཀྱི་ཡ་རབས་ཚུལ་ལྡན་ཟེར་བ་དེ་ཉེན་ཁ་ཞིག་ཏུ་བརྩི་བ་ཡིན་ནོ། །དེར་བརྟེན། ཁྱེད་ཀྱིས་རྒྱུན་དུ་མཐོང་གིན་ཡོད་པ་ནི་སྙན་ངག་པ་དང༌། རི་མོ་བ། ཞབས་བྲོ་བ་རྣམས་ནི་དེ་འདྲའི་ཡ་རབས་ཚུལ་ལྡན་ཞིག་མིན་པ་དེ་རེད། ཁོང་རྣམས་ཡ་རབས་ཚུལ་ལྡན་ཅན་དུ་འགྱུར་ཞིང༌། སྙན་གྲགས་ཅན་གྱི་བྱ་དགའ་ཞིག་ཁོང་རྣམས་ལ་ལེགས་སྐྱེས་སུ་འབུལ་སྐབས། ཁོང་རྣམས་ཀྱི་གསར་གཏོད་ཀྱི་བསམ་བློ་དེ་འགགས་པ་རེད་ལ། དེ་འདྲའི་བྱ་དགའ་གནང་བའི་སྐད་ཅིག་མ་དེ་དུས་ནས་བཟུང་སྟེ། ཁོང་རྣམས་ཀྱི་གཤིས་རྒྱུད་ནས་འཁྲུངས་བའི་གསར་གཏོད་ཀྱི་བསམ་བློ་དེ་མི་སྣང་བར་གྱུར་བ་རེད། དེ་འདྲ་ཅིའི་ཕྱིར་བྱུང་བ་ཡིན་པའི་རྒྱུ་མཚན་ནི། སེམས་རྒྱུད་ཀྱི་འཇིགས་སྐྲག་དེ་རེད། རྒྱུ་མཚན་གང་ཡིན་ཞེ་ན། ཁོས་ནོར་འཁྲུལ་ཞིག་བཟོས་པ་ཡིན་ན། ཁོ་རང་ཉིད་ཀྱི་ཆེ་མཐོང་ལ་ཅི་ཞིག་འབྱུང་རྒྱུ་ཡིན་ནམ། དེ་བས་ཁོས་དེ་འདྲའི་ནོར་འཁྲུལ་བཟོ་བར་འབད་རྩོལ་བྱེད་མི་ནུས། དེར་བརྟེན། སྒྱུ་རྩལ་བ་ཞིག་ཡ་རབས་ཚུལ་ལྡན་ཅན་དུ་འགྱུར་སྐབས། ཁོང་ནི་བེད་མེད་མཁོ་མེད་ཀྱི་གཤིན་པོ་ལྟ་བུ་གྱུར་བ་རེད།

Now, what is the difference between a producer and a creator? A producer knows the right way of doing a thing; a creator fools around. He does not know what is the right way to do a thing; so he goes on seeking and searching in different directions. Often he moves in a wrong direction, but wherever he moves, he learns. He does something which nobody has ever done before. A creator has to be able to look foolish. A creator has to risk his so-called respectability. That’s why you always see that poets, painters, dancers are not very respectable. And when they become respectable, when a great prize is given to them, they are no longer creative. From that moment, creativity disappears. Why does this happen? Well, the reason is fear. Because, the person becomes afraid: If he does something wrong, or if something goes wrong, what will happen to his prestige? He cannot afford that. So when an artist becomes respectable he becomes dead dead creatively.

བྱིས་པར་ལོ་བདུན་དང་བཅུ་བཞི་བར་དུ་འགྱུར་ལྡོག་ཆེན་པོ་ཞིག་འབྱུང་གིན་རེད། དེ་འདྲའི་འགྱུར་ལྡོག་ཅིག་སེམས་ཁམས་རིག་པ་བ་རྣམས་ཀྱིས་ཅིའི་ཕྱིར་འབྱུང་བ་དང་ཅི་ཞིག་འབྱུང་རྒྱུ་ཡིན་པའི་སྣང་ཚུལ་ཐད་ལ་ཞིབ་འཇུག་བྱེད་བཞིན་ཡོད།

Somewhere between the age of seven and 14 a great change happens in a child. Psychologists have been analysing the phenomenon: Why does it happen and what happens?

ཁྱེད་ཀྱི་ཀླད་པ་ལ་ངོས་གཉིས་ཡོད་དེ། ཀླད་ངོས་གཡོན་པ་ནི་གསར་གཏོད་ཀྱི་ནུས་པ་དང་བྲལ་བ་ཞིག་རེད། དེ་ནི་བཟོ་རིག་དང་འབྲེལ་བའི་ནུས་པ་ཅན་ཞིག་རེད་མ་གཏོགས་གསར་གཏོད་ཀྱི་ནུས་པ་དམའ་མོ་རེད། ཀླད་ངོས་གཡོན་པ་དེ་ཡིས་སྔོན་ཆད་བྱ་བ་བྱས་ཟིན་པ་ཞིག་བསྐྱར་དུ་བྱེད་ནུས་པ་ཁོ་ན་དང༌། དེ་ཡིས་འཕྲུལ་ཆས་ལྟར་བྱ་དངོས་རྣམས་ནུས་ཤུགས་དང་ལྡན་པའི་སྒོ་ནས་སྒྲུབ་ཐུབ། ཀླད་ངོས་གཡོན་ཕྱོགས་ནི་རྩིས་རིག་དང༌། གཏན་ཚིགས་རིག་པ། རྒྱུ་མཚན་དང་ལྡན་པའི་ཀླད་ངོས་ཤིག་རེད། ཡང་ན་དེ་ནི་འཆར་གཞི་དང༌། སྒྱུ་རྩལ། སྒྲིག་ལམ། བཀའ་ཁྱབ་ཀྱི་ཀླད་ངོས་ཤིག་རེད།

You have two minds, two hemispheres. The left hemisphere of the mind is uncreative. It is technically capable but as far as creativity is concerned it is impotent. It can only do a thing once it has learned it, and it can do it very efficiently or perfectly; it is emotionless. This left hemisphere is the hemisphere of reasoning, logic and mathematics. It is the hemisphere of calculation, cleverness, discipline and order.

ཀླད་ངོས་གཡས་པ་ནི་གཡོན་པའི་ལྡོག་ཕྱོགས་དེ་རེད། དེ་ནི་ཟིང་འཁྲུག་གི་ངོས་ཤིག་རེད་མ་གཏོགས་བཀོལ་ཁྱབ་ཅིག་མ་རེད། དེ་ནི་སྙན་ངག་གི་ངོས་ཤིག་རེད་མ་གཏོགས་དོན་མེད་ཉོག་གཏམ་ཞིག་ཀྱང་མ་རེད། དེ་ཡང་བྱམས་དང་བརྩེ་བའི་ངོས་ཤིག་རེད་མ་གཏོགས་གཏན་ཚིགས་རིག་པའི་ངོས་ཤིག་མ་རེད། དེ་འདྲའི་ཀླད་པའི་ངོས་དེ་ལ་མཛེས་སྡུག་གི་ཕྱོགས་སུ་ཚོར་ཤེས་སྐྱེན་པོ་ཞིག་ལྡན་པ་མ་ཟད། འབྱུང་རྩའི་ངོ་བོ་རུ་ནང་གི་རྟོགས་པ་ཟབ་མོ་ཞིག་ཀྱང་ཡོད་མོད། འོན་ཀྱང༌། དེ་ནི་ཕན་ནུས་ལྡན་པ་ཞིག་མིན། གསར་གཏོད་ཀྱི་སྐྱེས་བུ་ཞིག་གིས་ཕན་ནུས་ལྡན་པའི་བྱ་བ་ཞིག་སྒྲུབ་མི་སྲིད་ལ། ཁོས་བྱ་དངོས་གང་ལའང་ངེས་པར་དུ་ཚོད་ལྟ་ཞིག་བྱེད་ངེས། དེ་འདྲའི་སྐྱེས་བུ་སྒེར་ཞིག་ག་ས་གང་དུ་ལྷིང་འཇགས་ངང་གནས་སྡོད་བྱེད་མི་ནུས་པར་བརྟེན་ཁོ་ནི་འཁྱམས་པོ་ལྡོམ་པོ་ཞིག་རེད། ད་དུང༌། ཁོས་ཉེན་ཁ་ཅན་གྱི་བྱ་བཞག་ཞིག་དང་དུ་ལེན་པར་རྒྱུན་དུ་གྲ་སྒྲིག་བྱེད་པ་དང༌། ཉེན་ཁ་ནི་ཁོའི་ལས་དོན་དགའ་ཤོས་ཤིག་རེད། འོན་ཀྱང༌། འདི་ནི་ཀླད་པ་གཡས་ཕྱོགས་ཀྱི་ཟུར་ངོས་ཤིག་ཡིན་པས། བྱིས་པ་ཞིག་སྐྱེས་སྐབས་ཀླད་པ་གཡས་ངོས་ཀྱིས་བྱ་བ་བྱེད་བཞིན་ཡོད། དེ་ནས་ང་ཚོས་ཚན་རིག་དང་མི་མཐུན་པའི་སྒོ་ནས་བྱིས་པ་རྣམས་ལ་སློབ་གསོ་གནང་བར་མགོ་ཚུགས་པས་ང་ཚོའི་ལོ་ཡང་ཆེ་རུ་ཕྱིན་པ་ལ་བརྟེན་ནས་སེམས་ཀྱི་གཡོ་སྒྱུ་དེ་ཀླད་པའི་གཡས་ཕྱོགས་ནས་གཡོན་ཕྱོགས་སུ་བསྒྱུར་བར་འབད་པ་རེད། དེ་ན་བྱིས་པ་རྣམས་ལ་མཚོན་ན་བདག་པོ་མེད་པ་ཞིག་མིན་ལ། ཁོང་རྣམས་ནི་རྒྱལ་ཁབ་ཅིག་གི་ཆབ་འབངས་ཆགས་ཡོད། དེ་ནས་བྱིས་པ་རྣམས་ཀྱིས་སྒྲིག་ལམ་དང༌། སྐད་ཡིག  གཏན་ཚིགས་རིག་པ་སོགས་ཀྱི་ཐབས་ལམ་དེ་སྦྱངས་པ་རེད། དེའི་རྗེས་སློབ་གྲྭར་འགྲན་བསྡུར་གྱི་བྱ་སྤྱོད་མགོ་ཚུགས་ཤིང༌། རང་འདོད་ཅན་ཞིག་ཏུ་གྱུར་ནས་སྤྱི་ཚོགས་ནང་དུ་དར་ཁྱབ་ཆེ་བའི་སྨྱོ་འབོགས་ཀྱི་བྱ་སྤྱོད་རྣམས་སྦྱངས་པར་མགོ་བརྩམས་པ་དང༌། དངུལ་སྒོར་དང་དབང་ཆ་ལ་འདོད་རྔམ་ཆེ་རུ་གྱུར་བའོ།།

The right hemisphere is just the opposite of it. It is the hemisphere of chaos, not of order; it is the hemisphere of poetry, not of prose; it is the hemisphere of love, not of logic. It has a great feeling for beauty, it has a great insight into originality — but it is not efficient. A creative person cannot be efficient, he has to keep experimenting. Such a person cannot settle anywhere. He is a vagabond. He is always prepared to take a risk. Risk is his love affair. But this is the right-side hemisphere. The right-side hemisphere is functioning when the child is born. Then we start teaching the child — unknowingly, unscientifically. Down the ages we have learned the trick of how to shift the energy from the right hemisphere to the left hemisphere. Then the child is not wild any more — he becomes a citizen. Then he learns the ways of discipline, language, logic and prose. He starts competing in the school, becomes an egoist, begins learning all the neurotic things that are prevalent in the society, and becomes more interested in power and money.